北大日文堂, kurosagi, 王府井, 發顛的jas人

日研系北大交流豪華團 DAY 2
超早起身=_=要上8點果堂日文會話=_=起初係有3個學生黎接我地, 一個著住格仔衫o既, 一見就諗起果個啦~好彩佢性格唔係同果個一樣炸~~仲有一個男仔, 幾靚仔的(後來比我地發現佢同nickel有幾個相似之處啦, 例如灰色長袖衫, 藍色間條衫, 灰色斜揹袋, 從後面看飛飛地o既頭髮, 行路時隻手o既姿勢, 佢又係會長)仲有個女仔, 好鍾意動漫的, 個樣比我地形容為似小丸子入面的小玉~~(DAY 6會有更詳細記事)
個日本人老師入課室....竟然係成架單車咁車入黎...呆左, 果度係3樓!不過佢都幾搞笑, 同埋好似石山的(dinner的時候, 我地話佢地係兄弟!呢個sensei係叫石山猛男!!!XDDD)我地要一個中大同一個北大學生咁分組, 用日文討論香港同北京o既分別。一開始同我同組的是來自深圳的同學~~都幾o岩傾的~~最有緣o既係之後發現大家的英文名都是Carrie!!!!!!!!之後換組, 是跟sou-san同賈晨陽一組~=D 要諗一d有趣o既問題, 煩惱, 開心o既事之類~我問sou-san有冇鍾意日本d乜~~~~~比我發現左佢係睇日劇的!!!!!哈哈!!!!佢有睇kurosagi的!!!!!!!!(以後我地就開始稱呼佢做kurosagi啦~XDD)佢又有睇龍櫻同nobuta...我話我都鍾意呢兩套o既時候...比佢發現左我鍾意山下智久~我地3個冇咩野講o既時候....賈晨陽竟然問我有冇男朋友然後發現大家都係過去二十年冇拍過拖佢之後出去講speech果時仲要講埋出黎, 十級無奈
之後上中國人老師堂~個樣幾靚的~~同方韻完全冇得比~~不過文法堂~始終都係悶過之前果堂會話堂呢~~~呢堂我係同靚女christie坐呀~~佢雖然好少講野, 但好好人~~佢又係識廣東話, d發音仲好準添*
之後北大幾個學生帶左我地去canteen食lunch~食左個$3蕃茄雞蛋刀削麵~~唔知點解~食唔夠半碗已經勁飽=0=不過$1.5的雀檸真係抵到冇野講~!
之後搭的士去五道口(會合左蛋~=]), 再搭地鐵去王府井....仲轉左兩次地鐵...好迫好熱好臭(回程發現一次過搭的士都唔係貴好多...但舒服好多...)王府井, 蛋請我食雪糕之後佢又陪我四圍行~帶我食章魚小丸子, 幫我講價買手信~慫恿我買多d聽解~好耐冇一齊行街啦真係~
我地一行10個jas人, 簡直係去狂掃人地d書的, 係王府井同外文書店, 每人都買左百幾蚊(每本係$1x~2x..)好似幫人d書抹塵咁...仲搞到有d書冇哂貨咁濟......可以用瘋狂黎形容, 根本就唔駛點睇價錢就狂買.....
夜晚行左好耐先搵到o岩o既地方食飯....六合人家~~環境舒適~比左間房我地~~d野食幾有特色~有睇落好辣但唔辣o既水煮牛肉, 有睇落唔辣但係最辣o既雜菇煲期間狂爆gag, 例如有石山猛男同電pan少年*
第二日係kitty生日, 所以夜晚買左蛋糕慶祝*本來我同karina諗住借4 kings, 4 queens之名拉左kitty出房...比其他人準備...點知入番房變左真係玩4 kings, 4 queens....去到1點都未切蛋糕...都唔知想點...
下回預告: 二鍋頭, 長城熊樂園, 做方包