天理高校第二部雅樂部

一萬個累。睇下我捱唔捱到打埋呢個entry..........
天理高校第二部雅樂部，由睇佢地練習開始，就知佢地幾認真同幾pro~~~~~~~~
估唔到上到賤標時係咁急咁趕咁亂。睇住佢地拎住d好重o既樂器同行李, 身水身汗咁...我地又幫唔到佢地太多......只係我地要不停帶路, 帶佢地去廁所....不斷來往舊賤504同新賤706......
佢地件表演服真係十級靚.....雖然係好難著...但真係好靚*0*
「三大靚仔」經過一眾女仔的討論後，大致上係發現三大靚仔~~~~~個個都係講果3個~~仲唔係最靚仔佢地?!
<一> senpai靚仔-勁似校園劇做好受歡迎o既senpai o既男仔。佢好叻咁, 又有leadership。<二> 白淨靚仔。高，雖然有人話佢太似女仔(個樣), 但真係好靚仔~<三>跳舞靚仔。好 多人都留意唔到佢，不過唔戴面具果時...真係靚仔~~~~真人不露相。
「兩大靚女」
其實除左靚仔，靚女都好睇~XD<一>跳舞靚女。身型靚, 個樣又靚, 人又好, 又叻, 皮膚好日本人o既白。<二>leader靚女。個樣就普通靚, 但笑容勁甜。好有leadership, 指示d人做野, 但又每事親力親為, 睇住佢不停跑上跑落, 問野, 執野。

佢地表演完, 去左女仔換衫房幫手。幫佢地整熱d鳳笙, 雖然好熱, 不過好好玩, 轉轉轉。有人話我似佢o既一個朋友, 哈哈~我似日本人呀。之後佢地又話kitty同pan-san似佢地o既朋友~~~