大埔日本人學校

星期六晨早番cu再轉的士去大埔日本人學校(小學來的)，5人合共$22~~間學校超大呀，走廊超闊呀，課室超寬敞呀，四圍貼/擺左好多好靚/得意的美術課作品呀，d小朋友超活潑呀，仲超kawaii添~~~~真係好似去左第二度咁，周圍都係日文, 日本人, 我地就好怪咁囉~~哈哈, 好似啞左咁, 唔識講日文(雖然實際上都唔算係好識), 但真係比平時上堂更加唔識講, 所以成日只係識講kawaii~~~
因為唔知做咩，約點幾就搭免費車出番大埔，一行9人去左飲茶~~~雖然唔係好食, 但未至非常難食咁啦...
夜晚出左cwb同親戚食飯，好飽好好味, 之後堂家姐仲請食義順。堂家姐話果時唔係旺季去北京開會, 住間普通的4星酒店都要$8xx一日。所以...原來日研個北大交流團o既團費都真係合理架喇~~~蛋呀, 5月我去北大交流果時記住陪我玩喇, 介紹下d好野食好地方咁添啦。